İşçilərinizi daha xoşbəxt etməyin asan yolu

İşçi məmnuniyyəti bir çox şirkətlərdə aşağıdır.  İnsan Resurslarının İdarə Olunması Cəmiyyətinin hesabatına görə 2009-cu ildə Amerikalıların yalnız 86%-i öz işindən məmnun idi.  Həmin vaxtdan etibarən işçi məmnuniyyəti aşağı düşməkdədir.

Bəzi şirkətlər  menecerləri öz departamentində məmnuniyyət səviyyəsinə görə məsuliyyətli hesab edirlər. Bəziləri isə işçiləri diqqətlə hazırlanmış və dəyərli proqramlara cəlb etməyə çalışırlar. Məsələn, Silikon Vadisində istedadlı işçilərə ödənişsiz olaraq yemək və masaj xidməti göstərilir.

Şirkətlərin işçilərini daha məmnun hiss etmələri üçün asan, maraqlı üsullar vardır.  İşçiləri xoşbəxt etməyə çalışmaq əvəzinə, onlardan çətin işlər görmələrini istəyin. Məsələn Resurslarının İdarə Olunması Cəmiyyətinin apardığı sorğu göstərir ki, işçilərə öz bacarıq və qabiliyyətlərindən istifadə imkanın yaradılması onları daha çox məmnun edir.

Müxtəlif şirkətlərdə çalışan 1000 işçi arasında apardığımız sorğu göstərir ki, iş yerlərindəki mübarizə artdıqca, işçilərin məmnuniyyəti artır. Digər araşdırmanın nəticəsinə görə, yeni işçi 3 ay ərzində seçildiyi vəzifəyə hazır olur.  Orta hesabla, 12 aydan sonra yeni vəzifənin icrası üçün hazır olurlar.  24 aydan sonra isə iş yerində özlərini sabit hiss edirlər.

İndi isə öz işçilərinizi mübarizəyə həvəsləndirən 3 sadə üsul haqqında:

1)      Çətinlik dərəcəsini artırın. Onlara daha mürəkkəb problemlərin həllini tapmağı tələb edən tapşırıqlar verin. Bu, işçinin planlı iş görməsinə səbəb olacaqdır. Əgər işçilərin məmnuniyyəti aşağıdırsa, onların hansı təzyiqlər altında işlədiklərinə fikir verin. Səbəblər limitli resurslar, şirkətinizdəki bürokratiya, siyasət və yaxud nəzarət çatışmazlığı ola bilər.

2)     Onları işə yeni başlayan işçilərə çevirin. Onları komfort zonalarından çıxarın. Onları yüksək bacarıq və xüsusiyyətlər tələb edən problemləri həll etməyə dəvət edin. Beləliklə, onların komfort zonaları genişlənəcək, çətin situasiyada həll yolu taparaq qürur hissi yaşayacaqlar.

3)     Onları yeni problemə yönləndirin. Digər strategiya isə işçilərin təcrübələrinin yeni problemlərin həllində istifadəyə yönəldilməsidir. Məsələn əczaçılıq şirkətində çalışan professor xanımdan tədqiqatlarını hüceyrə biologiyasından onkologiya sahəsinə yönəltməsini xahiş edəndə ilk vaxtlar o, çox tərəddüdli idi.  Lakin bir neçə aydan sonra o özünü güclü hiss etməyə başladı. Xanım prfessor deyir : “ Mən özümü əvvəlki illərlə müqayisədə daha mübariz, yaradıcı hiss edirəm. İndi həyatım və kariyeram da nəzarət altındadır. Yeni elmi ideyalar dolub daşır”.

Bu üsulları işçilərə təqdim edərkən diqqətli olmaq lazımdır. Onların rəhbərliklə yanaşı, azadlığa da ehtiyacı var. Onları düzgün öyrədin və onları təhlükəsizliklə təmin etməyə daim hazır və istəkli olun.

Maaş artımı, vəzifə artımı, bonuslar limitlidir. İşçilərin mübarizə və inkişafa həvəsləndirilməsi işçi məmnuniyyətini artıran ən effektiv üsullardan biridir.